今日會去迪士尼，所以要一早起身。早餐就新宿站入面是但搵左間立食，拿拿聲搞惦就出發。

車程:
新宿 > [JR中央線] > 東京 > [JR京葉線 / JR武藏線] > 舞濱

我地今次係去迪士尼海洋，係世界上唯一一個海岸做主題的迪士尼樂園，入場費 ¥7,250，我地一早網上買好晒飛，print 出來直接去閘口進場就可以。

網上購票請按這裡

個人覺得 DisneySea 同 DisneyLand 最大分別好似就係少左D卡通人物，唔多覺眼有米奇、唐老鴨出現；但就多左其他公主、海盜等角色。




因為事前無睇攻略做功課，亂咁行底下玩左唔係好多個 Game

海底兩萬哩 (20,000 Leagues Under the Sea)
驚魂古塔 (Tower of Terror)
玩具總動員瘋狂遊戲屋 (Toy Story Mania)

有個印第安納瓊斯冒險旅程：水晶骷髏頭魔宮 (Indiana Jones Adventure)，拎左 FastPass 點知夠鐘去玩時居然壞機暫停。唉 ~

不過個驚魂古塔 (Tower of Terror) 真係嚇到個心都離一離，唔係講笑。我諗驚魂古塔 (Tower of Terror) 同玩具總動員瘋狂遊戲屋 (Toy Story Mania) 應該都可以叫必玩 Game。

哩個就係嚇到個心離一離。。。Tower of Terror

Toy Story Mania 長期都人山人海

玩到天黑，返返新宿食個居酒屋就去訓覺啦。真係堅攰唔係講笑。

參考資料

東京迪士尼海洋
營業時間: 按此
網上購票: 按此
維修保養日程: 按此

今日目的地只有兩個 : 築地食早餐，之後就去原宿買買買喇。



每次去東京都一定會去築地，再加上築地市場 (只限場內) 就快要搬 (最新消息係2016年11月)，咁就更加要去啦。起身就拿拿聲行去新宿西口搭都營大江戶線，話咁快就到築地市場站喇。





築地市場長期都人山人海，今日當然都唔例外啦，尤其是幾間俾閃閃旅遊書介紹到爛的壽司店就更加誇張啦。我地今日目標係市場外市場一間叫鮨國的海鮮丼店。大大碗海膽飯盛惠 3200 yen，絕對係大堆頭大製作 ~~




食完就到場外市場逛逛，場外市場都好多野睇，又有野食 ...... 大大隻北海道生蠔，真係手掌咁大隻，唔係講笑。行夠食夠就搭車去原宿啦。





原宿都係慣常地由竹下通開始行起，先係經過卡樂B，一場來到咁點都要入去買返杯即製薯片啦。之後就去 Line 打個白鴿轉。我地起碼行左五、六個鐘，行到鋪頭開始關門先離開，真係腳都跛。








參考資料

• 鮨國
  營業時間: 10:00～15:00 / 17:00～21:00 (星期三体息)
  地址: 東京都中央区築地 4-14-15
  電話: 03-3545-8234
  URL : http://tabelog.com/tw/tokyo/A1313/A131301/13108127/

9 點鐘機，本來預計 2 點到東京，5 點前會到到酒店 check-in。點知禍不單行，先係起飛 delay，之後 Narita Express 又壞車，最後搞到 6、7 點先到到酒店。拿拿聲 check-in 完之後就落樓下食返碗天神拉麵 (全日只係食左碗魚旦粉同機上食左個包咋) ...... 真慘 ......

食完碗拉麵就去第一站 > One Piece Tower



One Piece Tower 位於東京鐵塔底層，入面分左幾個唔同遊戲區域:

魯夫的無止盡冒險
索隆的一刀兩斷
娜美的賭場
騙人布的目標是狙擊王
羅賓的古代文字之謎探索之旅
布魯克的鬼屋

門票 3,200yen，入面遊戲可以無限任玩。









可能我地太晏去，所有野都唔駛排隊，仲可以玩左好幾次騙人布的目標是狙擊王添，玩到收館就返返歌舞伎町北の家族食蟹放提 (** 歌舞伎町店已停止營業)。

歌舞伎町店就在我地間哥斯拉酒店樓下，入到去表明來意，之後就緊係 ...... 食食食啦。




睇返網頁，放提每位¥4,300，包飯品放題每位¥5,500 (要留意唔係每一間北の家族都有蟹放提架!!) 另外要留意套餐中只有蟹係放題，其他的前菜、小食都只得一份。我地點的是燒蟹，但其實係可以選火鍋 (只可以二選一、無得食食下轉) ...... 燒蟹其實比較費時，如果想回本，我諗食火鍋會較化算。

食完都12點幾，係時候返酒店休息啦。


參考資料

• 博多天神 一番街通り店
  營業時間: 11:00-4:00
  地址: 東京都新宿区歌舞伎町1丁目23-12
  電話: 050-5590-2058
  URL : http://tabelog.com/tw/tokyo/A1304/A130401/13006151/

• 北の家族歌舞伎町店 (** 歌舞伎町店已停止營業)
  營業時間:
  地址:
  電話:
  URL : http://www.kitanokazoku.jp/special/enkai-en/

話咁快就到最後一日，由於我地搭晏畫機，都仲有半日時間玩。今日一早就起身，執好行裝，Checkout 後就先返去琉球ガラス村拎返我地之前玻璃體驗的製死品。之後呆太太就會再戰Ashibinaa Outlet Mall，但路途上我地見到一個"街市"，好似好得意咁，於是就入去睇下......一入到去，超多人，好在又俾我地好好彩搵到位停車喎，呵呵呵。

今日主要行程係行魚市場。分別係"泊港魚市場"、"牧志市場"同"泡瀨漁港パヤオ直売店"。

一早起身......居然落雨......咁掃興?!...... (哩日係我地6日入面唯一一日落雨)

今日行程只有一個，就係"海洋博公園"喇。沖繩有兩大公園，一個係"首里城公園"，而另一個就係"海洋博公園"喇。根據網站介紹，"海洋博公園"是為了紀念1975年舉行的沖繩國際海洋博覽會，於1976年8月在博覽會舊址被設立的國營公園。而"海洋博公園"一大賣點就係"沖繩美麗海水族館 (Okinawa Churaumi Aquarium)"，哩個水族館基本上係沖繩必到的景點。"海洋博公園"係免費入場，但"沖繩美麗海水族館"就要收費喇。

第二日要轉酒店，去恩納村 Kafuu Resort Fuchaku CONDO HOTEL。一早起身執好行裝就落樓下 Check-out，自駕的好處係行季可以放晒上車，去邊都話咁易。

今日早餐係苦瓜漢堡 ......

晨咁早起身出發，去到機場大約六點多，PageOne未開無得換雜誌，唯有戇居居上機。唔知係咪因為星期二加上太早，架機唔Full，我地兩個人坐4個位，Hong Kong Airline 的飛機餐只得一個餐肉包，塊餐肉仲要細得可憐 ....

話咁快2個鐘多D就到沖繩，沖繩個機場又真係細得可憐。入境、取行季、安檢，過程順利，一出閘就見到 OTS 員工，先登記，等齊人就出發去取車。OTS 同機場大約15分鐘車程，由於塞車，都搞了成大半個鐘先到。

取車時要先填表俾錢，但就唔駛俾按金，日本人真老實，居然咭都唔駛碌就搞惦。跟手租埋 Pocket Wi-Fi 同買埋 "海洋博公園" 及 "Pineapple Park" 入場卷就，OTS仲有其他門票賣，價錢會比正價平，記得買埋先出發喇。

- 行程
出發日 : 4 Nov 2014 (Tue)
回程日 : 9 Nov 2014 (Sun)

Day One : 
OTS租車 --(15分鐘)--> 通堂拉麵 --(15分鐘)--> Ashibinaa Outlet Mall --(20分鐘)--> Rybubou Department Store --(步行)--> 國際通 --(20分鐘)--> Libre Hotel --(步行15分鐘)--> 天久Ryubo樂市


Day Two : 
Libre Garden Hotel Checkout --(18分鐘)--> Jef Burger --(20分鐘)--> 琉球ガラス村(玻璃體驗) --(80分鐘)--> 百年古家大家 --(1分鐘)--> AEON名護店  --(40分鐘)--> 万座毛 --(10分鐘)--> Kaffu Resort --(10分鐘)--> Shige Teppan Grill Kitchen or 琉球の牛


Day Three :
Kafuu Resort Fuchaku --(24分鐘)--> 残波岬 --(4分鐘)--> 御菓子御殿読谷本店 --(12分鐘)--> 都屋漁港 --(54分鐘)--> Orion Happy Park --(30分鐘)--> 元祖海葡萄


Day Four : 
Kafuu Resort Fuchaku --(56分鐘)--> 岸本食堂 --(10分鐘)--> 海洋博公園 --(25分鐘)--> Pineapple Park --(64分鐘)--> 國際通


Day Five : 
Libre Garden Hotel --(10分鐘)--> 第一牧志市場 --(30分鐘)--> 美國村 --(20分鐘)--> 泡瀬漁港 --(18分鐘)--> 海中道路 / 伊計海灘 --(76分鐘)--> 國際通

Dinner @ 守礼石垣牛專門店 (要預約) Online Booking
Shopping @ 國際通


Day Six : 
Libre Garden Hotel --(30分鐘)--> 琉球ガラス村(取回玻璃製品) --(15分鐘)--> OTS還車


- 住宿
Libre Garden Hotel (請同時閱讀 "OKINAWA 那霸市內酒店比較")
Kafuu Resort Fuchaku (請同時閱讀 "OKINAWA RESORT 比較")


- 交通
Hong Kong Airline 來回機票
OTS 租車
* 日文網頁會提供租車優惠，中英文版無。

- 其他資訊

網上找了很多沖繩租車 (OTS) 的資訊，綜合如下 :

1. OTS 價錢應該係最平，同埋會有 Early bird 優惠
2. 記得用日文版網站預約 (OTS 提供中文及英文網站，但用中文及英文版網站提供的優惠較少)
3. 註冊為會員會有額外5%優惠
4. 取車時才付款，網上只係預約
5. OTS 提供 Wi-Fi walker (即 pocket wifi)，5 日無限上網價錢為 2,000 yen，隨後每日1,000 yen

以下為是次 Okinawa 之旅的候選 Resort ，價錢只供參考 (2014 年 7 月)。紅色字為連服務費及酒店稅後之價錢，所有價錢單位為港幣。我地打算入住2間不同 Resort，由於我地會租車，地點並不是重要考慮因素，價錢及設施會係重點。初步擬定其中一晚會住Kafuu Resort Fuchaku，雖然價錢較貴，但網上評價好像很不錯。

....... (未完，待續)

最後一日喇。因為我地搭夜晚7 點機，仲有大把時間玩 ~ 嘿嘿

第一站係去<阜杭豆漿>食早餐，哩間<阜杭豆漿>在網絡上很有名，隨便 GOOGLE 一下都有好多相關介紹，咁點都要試一試啦。

<阜杭豆漿>為於華山市場，搭捷運到善導寺站5號出口，上到地面向前行到轉角位你就應該見到人龍喇，跟住指示......排隊......等.......。

我地當日去到又唔係十分多人，大約等幾個字就上到去。上到去其實就等同香港街市內的熟食市場，買完野食自己搵位坐。<阜杭豆漿>只做早市，營業時間只到中午12點半 (要食就請早喇)。我叫了一個厚燒蛋餅，呆太太本來係叫蔥花咸餅，但佢地俾錯焦糖甜餅... 個餅其實普普通通無咩特別，但個豆漿我個人覺得就幾好味喇。哩次亦都係我第一次食哩類中式豆漿早餐。

今日主要行程係去<上引水產>同<大碗燒肉> ....

我地早餐都無食，十一點就搭的士去<上引水產>喇。網上面有好多對<上引水產>唔同的評價，有人話好食、有人話唔好食。無論好食定唔好食，有一樣好肯定，就係好多人 !!!

一早起身就係為了落樓下食酒店 buffet breakfast，哩個早餐都幾好味，唔錯。但因為 10 點半就無，而我地又唔會咁早起身，所以住咁多日我地只係食過一餐咁大把 (蝕晒.......)。

第二日行程係一早起身去食燒肉 ~~

<田季有間客棧> 位於捷運劍南路站，即係美麗華摩天輪那一個站。由捷運行過去大約8分鐘咁上下啦，哩間 <有間客棧> 的裝修係以重現六、七十年代為主題，有D似好耐世紀尖東有間 buffet (唔記得叫咩名 lu，即係而家尖東翠華樓上)。價錢唔貴同任飲任食 (台灣叫吃到飽) 係佢重點，但最特別之處係佢會有步驟教你點樣燒，最抵死係佢燒多春魚的方式，真係超搞野同超成功。哈哈 .......

5月9日一早搭的士去機場，8點零5分機，唔知點解當日的地勤人員會咁好效率，我地去到閘口已經 final call，連最重要的出發顯示屏都無影就要拿拿聲上機。

戲都無套睇下就到台北機場喇 ...... 入境後先去右手邊電訊櫃台買張 sim 咭先，我地好好彩唔駛排隊，好快手就出到張 "台灣大哥大" 5 days 無限上網 3G 咭 (有關台灣上網咭，請看哩個 post)，之前見網上 D 人話要排大隊先出到咭 ....... 我地又唔駛喎 ..... 呵呵 ~