最後一日喇。因為我地搭夜晚7 點機，仲有大把時間玩 ~ 嘿嘿

第一站係去<阜杭豆漿>食早餐，哩間<阜杭豆漿>在網絡上很有名，隨便 GOOGLE 一下都有好多相關介紹，咁點都要試一試啦。

<阜杭豆漿>為於華山市場，搭捷運到善導寺站5號出口，上到地面向前行到轉角位你就應該見到人龍喇，跟住指示......排隊......等.......。

我地當日去到又唔係十分多人，大約等幾個字就上到去。上到去其實就等同香港街市內的熟食市場，買完野食自己搵位坐。<阜杭豆漿>只做早市，營業時間只到中午12點半 (要食就請早喇)。我叫了一個厚燒蛋餅，呆太太本來係叫蔥花咸餅，但佢地俾錯焦糖甜餅... 個餅其實普普通通無咩特別，但個豆漿我個人覺得就幾好味喇。哩次亦都係我第一次食哩類中式豆漿早餐。

今日主要行程係去<上引水產>同<大碗燒肉> ....

我地早餐都無食，十一點就搭的士去<上引水產>喇。網上面有好多對<上引水產>唔同的評價，有人話好食、有人話唔好食。無論好食定唔好食，有一樣好肯定，就係好多人 !!!

一早起身就係為了落樓下食酒店 buffet breakfast，哩個早餐都幾好味，唔錯。但因為 10 點半就無，而我地又唔會咁早起身，所以住咁多日我地只係食過一餐咁大把 (蝕晒.......)。

第二日行程係一早起身去食燒肉 ~~

<田季有間客棧> 位於捷運劍南路站，即係美麗華摩天輪那一個站。由捷運行過去大約8分鐘咁上下啦，哩間 <有間客棧> 的裝修係以重現六、七十年代為主題，有D似好耐世紀尖東有間 buffet (唔記得叫咩名 lu，即係而家尖東翠華樓上)。價錢唔貴同任飲任食 (台灣叫吃到飽) 係佢重點，但最特別之處係佢會有步驟教你點樣燒，最抵死係佢燒多春魚的方式，真係超搞野同超成功。哈哈 .......

5月9日一早搭的士去機場，8點零5分機，唔知點解當日的地勤人員會咁好效率，我地去到閘口已經 final call，連最重要的出發顯示屏都無影就要拿拿聲上機。

戲都無套睇下就到台北機場喇 ...... 入境後先去右手邊電訊櫃台買張 sim 咭先，我地好好彩唔駛排隊，好快手就出到張 "台灣大哥大" 5 days 無限上網 3G 咭 (有關台灣上網咭，請看哩個 post)，之前見網上 D 人話要排大隊先出到咭 ....... 我地又唔駛喎 ..... 呵呵 ~

• 台灣大哥大無限上網，收費方式如下：
  
  1日：NT$100
  3日：NT$250
  5日：NT$350
  7日：NT$450
  10日：NT$600
  30日：NT$1500
  
  預付卡最低面值是NT$500
  http://m-internet.taiwanmobile.com/internet/catch_price_day.jsp
  http://consumer.taiwanmobile.com/mobile/prePay/prepayNet/index_2.html

• 遠傳易付無限飆網
  
  1日：NT$100
  3日：NT$250
  5日：NT$350
  30日：NT$800
  
  http://www.fetnet.net/cs/Satellite/rate/prepaid/IF-prepaid-data-service

• 中華電信預付卡計日型上網方案
  
  1日：NT$100
  3日：NT$250
  7日：NT$450
  
  http://www.emome.net/data_connect_plan/prepaid